ثانوية المأمون تستغيث ؟؟
أنقاض من الأتربة تملأ المكان ، ظلام دامس يحيط بالغرف ، الهواء ينساب من النوافذ المحطّمة بمجرد دخولك تعود بك الأيام إلى غابر الأزمان , وتصاب بالدهشة لما تراه من أهوال ..
لا بدّ أنّك متلهف لمعرفة المكان الذي ستدخله ، وهل هو في مناطق نأى بها المكان والزمان ,إنّها يا عزيزي ثانويّة المأمون التي تعد من أعرق الثانويات في سوريا وعندما تذكر حلب تذكر القلعة وصباح فخري وثانوية المأمون ( التجهيز الأولى قديماً ) , التي يشهد لها الزمان بأنها خرجت كبار العلماء والأدباء والشخصيات الهامة في التاريخ ..
مبناها الأساسي تحت الترميم ، وهي الآن في مبنى إعداد المعلمين , وبعد سنوات من الترميم جاء قرار السيد الوزير بعودتها لترفل في الحرير , ولكن وحسرتاه فما عودتها إلا أضغاث أحلام من سابع المستحيلات ..
وجاء القرار بالترميم لمبنى إعداد المعلمين ليؤول للمتفوقين ودخلت الحفارات والنقارات لتحول المبنى إلى أثر من الآثارات العديدة وأخذ الطلاب يعانون ومن المدرسة يهربون ، فما الحل يا ترى .. ؟ ! و هل نولي وجوهنا شطر مضارب عبس حتى نكمل عامنا الدراسي ..
إنّها مأساة كبيرة تعيشها ثانوية المأمون تجعل العيون تدمع والقلوب تخشع ، البرد القارص يتخلخل في العظام , والأتربة تملأ كلّ مكان لتلوث الصدور وتنشر الأمراض و الشرور ..
واه أسفاه على الصرح العظيم عنوان حلب الشهباء ، أنقذونا مما نحن فيه قبل أن يحصل ما لا يحمد عقباه ..
طلاب يستاءون من الثانوية وبعضهم يكره المجيء إليها ..
في تصريحهم لزهرة سورية طلاب الثانوية يعربون عن انزعاجهم العميق وعدم محبتهم للمجيء للثانوية لأن ما يصطدم به الطالب يومياً , ورشات الإصلاح والترميم وأكدوا بأنهم مع الإصلاح والتطوير والترميم لكن خلال فترة الصيف وأثناء العطلة , فبعضهم لا يستطيع استيعاب الدرس من كثرة الضجيج والبعض الآخر اختنق من شدة الغبار والدخان
مقترحات طلابية ..
في هذا المجال نوه عدد من الطلاب لوجود بعض المقترحات التي يمكن فعلها لتجنب هذه الأزمة , كأن تقوم ورشات الإصلاح والترميم خلال العطل الرسمية , العودة إلى مقر الثانوية القديمة الذي تم ترميمه خلال الثلاث سنوات الأخيرة ..
صورة توضح أعمال الترميم في مدخل الثانوية
مخلفات أعمال الترميم والإصلاح في باحة الثانوية
قاعات الصفوف بلا أبواب
الظلام الدامس بسبب بسبب صيانة الكهرباء
أعمال الترميم والإصلاح أثناء الدوام المدرسي
أعمال الترميم والإصلاح في مسرح الثانوية
دورات المياه التي يستخدمها الطلاب
مابعرف وين بدي أروح بحالي .. ؟
مشاهد تراها حينما تخرج من القاعات الصفية
في مقر الثانوية .. !!
إذا كنتوا بردانين تاعوا ادفئوا … ولايهمك عنا الصوبا بتشتغل بالاستشعار عن بعد ؟
ولا أحلى نوافذ على التكييف المركزي
الوقوف على الأطلال ..
مشاهد من المكيفات المركزية .. نوافذ بلا زجاج
الممرات المظلمة والممتلئة بالحطام
عندما ترغب بالدخول إلى القاعات الدراسية يجب عليك معرفة قفز الحواجز
نظرة على أعمال الترميم
كيف بدون ينجحو الطلاب ويفهمو ويصيرو عالم وخلق اذا المدرسة كلها على بعضها شبه مدرسة .. هي خرابة مو مدرسة ..الله يعين طلاب المامون ويفرج كربون
كل الحق على مدير التربية يلي بيسمح بالورشات تدخل اثناء العام الدراسي لان لا احد يستطيع ان يرفض اوامر مدير التربية و اذا رفضوا فاعتبر يا سيدي ان امك قد غضبت عليك و تحمل ما يجور عليك الزمان
هلق المادة حلوة و لكن ناقصة و ليس مكتملة للعناصر الكاملة للخبر الصحفي
اين رأي الادارة ؟؟؟؟
اين راي مديرية التربية ؟؟؟؟؟؟؟؟
اين راي احد المدرسين ؟؟؟؟؟؟؟؟؟؟
لان فقط بس الطلاب هم بشر هناك اساتذة و مدرسين و يتحملون الذين يتحملونه الطلاب ؟؟؟؟؟؟؟؟؟
بكفي حاج مسخرة على الشعب روحوا تفرجوا على غير مدارس
هلق انتو طفشتو العالم ترجع للبلد شو كل مدارسكن هيك من اسبوع نزلتو على مدرسة و هلق واحدة تانية شو هاد
والله إذا حكى الواح بيقول حكى الواح وإذا ماحكى بيقول عمرينو مايحكي لذلك الأحسن انو الواح مايحكي .. بدكن مدرسين وادرايين يحكوا عن هيك ظاهرة شو بدكن تخليهم ينام بالبيت , ايه والله اذا واح منهم بيفتح تمو لا ما يتم بالمدرسة ولا يوم خليون صادقين شوي بحكينا .. وشكراً للسيد اللي حط اسمو ( حباب بس عصبي ) على هالوضوح والله كلامو حسسني انو هو عايش بسويسرا
طيب شلون المدرسين عبيعطوا أنا بعرف في المأمون مدرسين كبار كتير
والله ياجماعة انا لما كنت في الروضة اذا بردت مابحسن آخد درس ولبين ما اخدت الابتدائية ماضل حدا لحدا وعملتلي امي مية مولد وكنت الاخير عالصف من دون منافس لا من قريب ولا من بعيد، فشلون طلابكن بدن يدخلوا الجامعة يالله بعانوا وبحسوا بالمعاناة وبدرسو أكتر اصلا كل الناجحين فقرا ، طيب سؤال بدي أسالو بما انو المأمون هيك حالتا ما عليها تخفيضات علامات للعامة انا لفو كنت طالب كنت بطلت من زمان عهيك مدرسة عزا ولي .
أحكي كلمة جد الله يكون بعون الكل فعلا مناضلين من طلاب لادارة لمدرسين
لاحول ولا قوة الا بالله لك هي مدرسة ولا سكرتون
عن جد جوات السكرتون مافي هيك عتمة شلون الطلاب بشوفو اللوح اتمنى ان تتدارك التربية الموضوع لان المسألة صعبة ابني طالب بكالوريا ولما شاف هيك الوضع قاللي بابا مابقيت اداوم يا تربية ارجو النظر في الامر و عالاقل راعوا الطلاب على فكرة كيف الطلاب بدهم يقدموا امتحان بهيك حالة يا اسفي فعلا
هاي للشباب انا من المامون بس و الله مبسوطين
انا طالب بالمامون و الله كنت مسهل كتييير كيف بدي اروح على المدرسة و انا مرضان و اذا غبت المدير و الموجه بدن تبرير شو
برايكن اقول انو انا محصوووووور؟؟؟؟؟؟؟؟؟؟؟؟
ما توقعت هيك مادة تنزل من موقع محترف و الله هذه فعلا كتابة طلاب و ليس كتابة صحفيين و لكن المشكلة موجودة و الحل موجود
انا عامل اضراب ما بدي اجي مدرسة الا بعد ما ننتقل للبناء الجديد
عيش يا طالب ؟؟؟ لحتى ينبت الحشيش
والله صحيح المشكلة موجودة والحل موجود بس أكيد الواحد لما بيحط هيك موضوع فهو مو من أجل صف الحكي بل من أجل انو بعض الناس تحاول تخلصنا من هيك أزمة … يعني اذا مافي حدا عبيحكي على هيك امور معناتها نحن شاذين عن خلقة الله , لانو في كل مجتمع هناك حالات عرقلة وحالات تقصير وحالات خلل وحتى في الدول التي تعتقد بأنها نفسها في الرتبة الأولى .. لذلك بحب أقول من المخجل انو الانسة خلود تحكي هيك حكي وكانها تسكن في كوكب بلوتو الذي خرج من المجموعة السمشية وعقبال الباقي
من شاف مصيبت غيرو هانت عليه مصيبتو
أين المسؤول عن هذا أتمنى أى يرى السيد وزير التربية هذه الصور
والله بتشبه كل شي بس ما بتشبه الثانوية بصراحة حرام يكون اسمها ثانوية يجب ان تكون مكان يثصده السياح من بقاع الأرض لكن هيهات على تلك المكان
بس بصراحة مو بس هالمشكلة في مشلة اكبر انا طالب في ثانوية غير هي و مش عامة و المشكلة هي
في ظل الجو البارد الصقيع تقريبا تفتقر ثانويتي الى المدافىء حيث الصقيع يتغلغل الى عظامنا نكاد ان نتجمد و نحن ننتظر تركيب المدافىء لكن الى متى …………..
يكاد فصل الشتاء ان ينتهي لكن من يهتم
على اية حال نحن ننتظر
مافي عنا شي
……………يارب اغثنا
المهم يا شباب في مشكلة و علينا الحل بس نبقى نحكي مع بعض ما بصير
و الله انا مع هيك امور لازم تنطرح بس سؤال شو لازم نحكي
اذا ما وصلتو هيك امور لمدير التربية
مين بدو يشوفو للخبر ابوس ايديكن
مين بدو يحس فينا .. مين بدو يعرف يتصور هالحالة يلي نحنا فيها ؟؟؟؟؟؟؟؟
ارجو كتيييييييير كتيير تتقبلو مني اسفي على هيك وضع وصلنا لالوا نحكي على بعضنا البعض
خلود حدحد مع التحية
نحن رضيانين هيك مادة ننزلها بالموقع لاتزعلي ونحن اولاد عبنخرمش للي بيعرف يقراْ خطنا ليسش معذبة حالك . المشكلة موجودة والحل موجود الكل بيعرفها لكل قضية حل العبرة بالنتيجة السرعة الأمان للطلاب ولو كان واحد بيخصك في المدرسة لحكيتى غير الحكى او قلت فليأكلو كاتو
المادة مو ناقصة وراي الأدارة نحترمه ونحترم الجميع يعنى هذه امكانياتنا ولاتنسى ثانوية المأمون اسمها التجهيز الأولى ومامنا نطلع على غير مدارس كونوا انت ألأفضل
طيب سؤال بدي أسالو بما انو المأمون هيك حالتا ما عليها تخفيضات علامات للعامة انا لفو كنت طالب كنت بطلت من زمان عهيك مدرسة عزا ولي . أحكي كلمة جد الله يكون بعون الكل فعلا مناضلين من طلاب لادارة لمدرسين . اوكازيون قصدك مافي ؟؟؟؟؟؟؟!!!!!!
شكرآ لك اذاكنت امية وهيك ولو كنت متعلمة والله مامنقدر نحكى معك وتحية للطلاب والمدرسين والله ينصركم والى الأمام حتى ماحدى يقع
ان شاالله يمشي الحال و نلاقي مين يسمعنا و ما نضل نعاني
شكراً لزهرة سورية على هالتحقيق الجميل وكلنا أمل بانو رح يلاقي الصدر الحنون والاستجابة الكريمة من مديرية التربية بحلب , وشكراً للاستاذ صالح الراشد اللي عبيسعى يحل مشاكل مدارسنا وثانوياتنا
انا طالب بمدرسة المأمون وبأكد ان كل الي تم ذكره في المقال ليس الا القليل من الذي عمبصير داخل المدرسة
عادي هاد شي بسيط من معانتنا بهل المدرسة حتى بصفي اضطرينا نحط خشب جوات الصوبة لعدم وجود مازوت واضطر الطلاب اذا انحصروا ان يفعلوها على سطوح المدرسة
السلام عليكم
الي شاهدنا هو بالفعل ما يحدث داخل ثانوية المأمون بل اكتر من ذلك بس انا عتبي على المعنين بموضوع نقلنا الى المدرسة الرئيسية الي صرلون كم سنة عم رمموا ويصلحوا فيا (بصراحة نقلونا وريحوناانتو وعدتونا )
اريد على الأقل ان تضعوا ابوابا لنا لنستطيع ان نسمع الحصة لدينا و نطلب من الآذن (الحجي ان لا يكون بخيلا في وضع المازوت و لست اريد ان اطلب فقط بل اريد ان اقول ايضا انه سوف يكون في المدرسة تقدم في المستوى الدراسي عند توافر البيئة الدراسية الملائمة حتى لو كان تقدما قليلا لكنه سيكون ملحوظا
و شكرا
غرفة معاون المدير مدفئة بالشوفاج والصفوف غلى الكولا
المأمون كذلك بالفعل
والله هي الشوفة شعلت بقلبي النار والعين رح تبكي شو يلي عم يصير بهل المدرسة انا مدرسة وعايشة بهل الغربةسنتين وقلبي عم يتفطر لدرس وعم حاول انو ضبط اموري والناس العرب والاجانب عم يطلبوا انو درسون وكيف حالة المدرسين والطلاب بهل المدرسة نحنا عم ندور على ناس ندرسهون وهن عندون مكان وعم يدمروا الله يعنا ويعنكون
وااااأسفاه على هذا الصرح
العظيم
و ياحرام!!!!!!فماذا فعلت الأيدي المهملة و عديمة المسؤووليةبكي يا بيتنا الثاني
الله يكون بعون الأساتذة والطلاب
انا احد طلابا ما في كل هل الحكي لاني كلو صار احسن من قبل والصور كانت بالصيف ومدرسة المأمون أحسن مدرسة بحلب واذا مالكن مسدقين تعو ع مدرسة
هذا الحكي كلو كذب والصور كمان لانو انا طالب في هي المدرسة و هل حكي كان في الصيفية بس هلاء كل شي صار احسن بكتير من اي مدرسةواذا ما لكون مصدقين تعوا على المدرسو وشوفوا بعينكم
أمنى بعض الأهتمام من الأدارة
يلا منيح الحكي فاد ووصل للناس المسؤولين وصلحو ولسافي مشاكل شوي بس يلا كويس الحمد لله
شو يا سمير طبشو بتهرب ناس وبتبهدل ناس بس أحلى اساتذة عنا يا شباب انا من طلاب سمير طبشو لحد يجي لعندو اذا بدك تندم تعا لعندو بس استاذ سمير احلى استاذ انا من طلابو اذا انتو ازكياء عرفوني كرمال الله غيرو تركتور الفيزيا قصدي دكتور الفيزيا انوسة واستاذ العربي والرياضيات………انا مخرب المدرسة………:
شو بدي احكي لأحكي ليش هي اسمها مدرسة لك الطالب شلون بدو يدرس ويجتهد إذا ما ارتاح تصوروا لا الشوفاجات شغالة ولا الشبابيك متل الناس والعالم , قد ما حكيت قليل بس الله يعيننا كطلاب وما حدا رح يعرف حجم المشكلة إذا ما كان في صميمها أنا بس بطلب من إدارة الموقع أنو تبعت شي صحفي من عندها مشان يشوف الحقيقة بعينو ويصورها بكميرتو مشان ما حدا يقول أنو الطلاب عم يرشوا بهارات وعم يعطوا عالمدرسة بحكيون
الآن نحن في6 آذار 2011 وهالحكي كله مو صحيح
هذه ليست مدرسة
نرجو المسؤولين تفقد حالة الحمامات المزرية إذا كان في حمامات أساساً