حلب عطشى..هل من مجيب ؟

بعد التحية والسلام.. عنا شكوى اذا في مجال.. شكايتنا على محافظ البرازيل ..

شكايتنا على محافظ البرازيل .. انو معئول النا شهر في مي ومافي مي والناس عطشانة وواقفة عل الدور شوبدها ..
بدها تعبي مي ويلي بيقهر ما بتلاقي غير سيارات الاطفاء منتشرة بحلب ومشغلة صوت الانذار وعم تفتل وما عم تهدي مو ليطفوا الحرايق لا ..لأنو أجا موسم الشغل 500 ل ب 4000 ليرة سورية مو كتير فالماء هي الحياة ..
بالفعل نحنا شعب بينئ كتيير نئائ انو شو يعني اذا عطشتو ما بيكفي شوفة المحافظ كل يوم عل الاعلام والله شوفتو بتروي العطشان .. وين صهاريج البلدية …. ليش ما نشتكي ؟؟؟ يا سيدي اشتكينا وقالولنا مالنا علاقة هي الاطفائية تابعة للمدينة الصناعية …. وليس لنا عليها سلطان !!!! إي لا ولو !!!!!!!! يعني هي الصناعة بشيكاغو؟؟؟
بصراحة وضع مؤلم حالات توفئيد من المياه الملوثة طيب الناس بدها تشرب … بتمنى من ادارة موقعكم الكريم توصل صوتنا وشكرا لمحافظ حلب ما بدنا نغلبو معنا موضوعنا مو عندو موضوعنا عند محافظ البرازيل.. شكرا من القلب وحيد عقاد.

تنويه
هذه الرسائل لا تعبر عن رأي هيئة التحرير وانما عن وجع الناس وننقلها بأمانة