مقالات وآراء
سورية الله حاميها .. بقلم زينة جهاد حسين
ياسورية شو كبرتِ .. بقلوب الكل سكنتِ
عانيتي كتير من الظلم وبأشبال الأسد صمدتي
من عثماني لفرنسي بوجهن جبارة وقفتي
ما رضيتي أبداً بالذل وعلى عرش العز تربعتي
ياسورية شو كبرتي
بقلوب الكل سكنتي
مجدك شامخ ما بينضام مهما يحاول هالعدوان
إنت ملجأ كل الناس فيك العالِم والفنان
سهولك خضرا يا محلاها زهورا من كل الألوان
ياسورية شو كبرتي
بقلوب الكل سكنتي
ياما رحنا وياما جينا وبغيرك أبداً ما رضينا
خرّجتي للناس حكاية لولاها ما كنا حكينا
قالوا الكون كبير كتير وأكبر من قلبك ما لقينا
ياسورية شو كبرتي
بقلوب الكل سكنتي
لو شي مرة الظالم حاول ياسورية يغدر فيكي
بدنا نوقف إيد بإيد ومانسمحله يئذيكي
ياسورية نحنا رجالك بدم القلب بنفديكي
كنتي و رح تبقي جبارة لاتخافي الله حاميكي
