مقالات وآراء

كيف يفكر الشباب الناجحين مابعد نتائج البكلوريا …بقلم محمد جمال دهان

المجموع القليل:ما بطلعلي شي وما بقبل بجامعة خاصة كمان احسن شي اروح على الجيش أو اشتغل شيء شغلة وأعلق هل الشهادة
المجموع ما فوق القليل :جامعة حكومية انسى ..مفتوح ما بقبل ..موازي ما بقبل طاول ..جامعة خاصة مافي معي مصاري ..احسن شي اذا ضلع معهد ادخل فيه واذا ما طلع امري لله
مجموع وسط:  اذا بطلعلي كلية ما بفهم فيها ولا بحبها اش هاده مافي كلية بحبها ممكن تتطلعي على هل مجموع يله امري لله اذا طلعت شي كلية بشعة بدخل معهد فندقي أحسن من هل كلية
مجموع ما فوق وسط :عجب بطلعلي حقوق ولا بتوقف على علامة …بطلعلي هندسة عمارة ولا هي بلاها فيها فحص وأنا اكيد ساقط من هلق..يله اش ما طلع منيح اسمعها كلية مهم ما يعلو مفاضلة…

شريحة ثانية من شباب: يله جامعة المامون شو فيها ادارة اعمال ولا هندسة عجب شقد قسطها
جامعة الخليج :شو فيها هندسة معلوماتية ولا حقوق ( ) شقد قسطها كمان
جامعة الافتراضية :شو فيها ( )شقد قسطها كمان
جامعة الاندلس: شو فيها ( )شقد قسطها كمان
جامعة القلمون: شو فيها ( )شقد قسطها كمان
جامعة الاتحاد: شو فيها ( )شقد قسطها كمان

وطبعا الأغلب مجموعن قليل

هذا ما يفكر فيه معظم الشباب لا يصدقون انهم انتهوا من هم البكلوريا ولكن يستنتجوا أن هناك كثير من هموم بعدها ….

مقالات ذات صلة

‫7 تعليقات

  1. يعني فعلا كلام صحيح …ومعبر هذا هم كبير علينا مشكور جدا الاستاذ جمال على هذه الأفكار الجديدة في الكتابة ….

  2. هذا هو هم وزارة التربية كيف سيحققون أكبر عملية ضغط على الطالب خلال الباكالوريا كإدخال مادة جديدة في منتصف العام ومن ثم يتحكمون بالنتائج والعلامات كما يشاؤون ويصححون كما يريدون وبعد ذلك تأتي الطامة الكبرى
    المفاضلة
    وفي هذه الاثناء يصاب الطالب بالجلطة الحقيقية وهي أكبر من النتائج وأيام الامتحان فيضيع تعبه خلال العام بهذه المفاضلة فيكون دخول الجامعة حلم بالنسبة لديه أو سيضطر إلى إضاعة سنة أخرى من حياته في إعادة الباكالوريا ليحصل على علامات أكثر تخوله لدخول الجامعة وإذ في السنة المقبلة يجد أن هناك مصيبة جديدة قد ابتدعتها وزارة التربية لتكبته فيحصل إما على نفس العلامة أو على أقل أو إذا كان حظه جيد يحصل على علامة أعلى ( بتكون أمو رضيانة عليه وداعيتلو )
    فا عادي يعيدها شو عليه ما في مشكلة لساتو شب بأول عمرو لاحق على ما ياخود الباكالوريا على شو مستعجل بالله……يوه !!!!

  3. لك يا عمي

    والحكي موجه للشباب

    شوبدكون بالجامعة واكل هالهوا والله اذا الله سبحانه وتعالى

    كتبلكون تدخلو فرع جامعة لحتا تقولوا دخيل رب ّ البكلوريا

    تخيلو انو اليوم قرأت عن الشب الأول على سورية 240/290يعني مجموع

    كاااااااااااااااااامل

    بدو يسجل هندسة ميكانيكية

    موووووووووو( طب )

    يا ترى ليش ؟؟؟؟؟؟؟؟؟؟؟؟؟؟؟؟؟؟

    بقى أذا طلعلكون شي معهد أرضوا فيه وقولوا الحمد لله

    والي ماطلعلوا شي نصيبوا بالجنة إنشاء الله

    ورحم الله من قال : (رحم الله من عرف حده و وقف عنده)

    وعمل بها

    شكرا لك الأخ : جمال دهان

    وكلامك حلو عن جد وهاد الواقع

    وشكرا لسوريا روز

  4. فعلا شكرا كتير عبرت عن الشي ليه بدنا نحكيه نحن نتمنى ان يحسو فينا شو …ويطلعو شو بدهن الشباب..وليش يهمشون

  5. صحيح انو كلام الاستاذ في جزء كبير منو واقعي وحقيقي…بس انا عندي اعتراض على هاد الكلام ليش نحنا دائما ما منلقي اللوم دائما إلاعل المعدلات صحيح انو معدلات جامعاتنا عالية بس هي مالا مستحيلة وكمان بحب ضيف انو الضغط النفسي يلي بعيشو كل طالب بكلوريا هو احد الاسباب الرئيسية لعدم تحصيل الطالب مجموع عالي وانا احد الطلاب يلي ادمو بكلوريا 2008 ونجحت وما جمعت وما طلعلي شي وقدمت هي السنة وجمعت مجموع بيأهلني اني ادخل جامعة وأنا برئي بس يلي بيدخلو جامعة هنن الناجحين في كتير تاس درسو معهد وكانو انجح بكتير من طلاب الجامعات لانننن اشتغلو وتعبو وبالنهاية بتمنى التوفيق لجميع الطلاب

  6. لماذا تعلمنا ان نطرح المشكلات ولا نضع الحلول ؟
    لماذا يااستاذ محمد حجمال دهان وضعت هذا المقال ولم تكتب لنا حلا أو نصيحة واحدة؟
    أم أن النقد هو تخصصك والحلول تخصص غيرك ؟
    نرجو أن لا تكون كتابتك-وخاصة في مثل هذه المواضيع كتابة طرح لمشكلة فقط بل انصحنا وجزاك الله خيرا .

زر الذهاب إلى الأعلى